Els meus deseños para el BNG

 

Desmond Cole Ghost Patrol #14 Who wants i scream?

 

Libro: Desmond Cole Ghost Patrol #14 Who wants i scream?
Autor: Andres Miedoso
Ilustración portada e interiores: Víctor Rivas
Editor: Little Simon (Jul 20, 2021) 
Idioma: English

 

A haunted ice cream truck is on the loose in this fourteenth chilling adventure in the Desmond Cole Ghost Patrol series!

Summer in Kersville is like summer in a lot of other places. The sun is bright and hot. School is closed and the pool is open. And kids know to run away as fast as they can when they hear the familiar song of the ice cream truck. Because that means the I Scream Man is here for dessert!

With easy-to-read language and illustrations on almost every page, the Desmond Cole Ghost Patrol chapter books are perfect for emerging readers.

Puedes comparlo aquí:

Presentación Anacos da Vida en Carballedo

 

O pasado domingo tivo lugar a presentación do libro de “Anacos da Vida” de Víctor Rivas, no Café A Chan de Carballedo.

Foi un evento moi concurrido ao que acudiron multitude de veciños e amigos que quixeron formar parte do emotivo encontro, como dixo o artista: “Síntome embargado pola emoción que me produce verme rodeado da xente de Carballedo, das ganas de facer cultura e apoiar as artes no rural”.

Rivas explicou que a súa obra é a expresión gráfica do sentir polas lembrazas da súa infancia en Trabazo, das experiencias vividas en Carballedo e das imaxes que garda da súa vida rural e cotidiana no seu concello.

Na presentación participou Ana de Vilatuxe e Joam Romero, encargados de redactar os limiares da obra ilustrada "Anacos da Vida".

 

 

Anacos da Vida con Ana de Vilatuxe

 

Pronto saen a luz os "Anacos da Vida"...

Para ir facendo ganas, vai o limiar que me escribíu a Ana de Vilatuxe

Tempos que foi para nós sermos

Ana de Vilatuxe

Cando a vosa ollada caia sobre estes deseños, virán de volta, Anacos da vida. Anacos da vida amósamos realidades que moitas de nós vivimos ou das que oímos falar. Do mesmo xeito que Memorias dun neno labrego foi para min e para moitas un espello onde nos vimos reflectidas, estas historias contadas polas ancestras adquirirán igual significado no presente e nun futuro distante. Cóntanos o Víctor historias dun tempo que pasou, vivirámolo ou non. Un tempo que deixou pegada en nós. Somos o que somos por todo aquilo que sucedeu no transcurso da vida.

Descríbenos con detalle aquel mundo non tan afastado e, aínda así, xa case esquecido. Amósallo a quen non o viviu e fainos lembrar a quen si o fixemos; un tempo que foi para nós sermos.

Contado como o contaban as ancestras, mais el non precisa palabras para transmitilo.

Fálanos de pasado e, asemade, de futuro. Un futuro sobre o que deberiamos reflexionar. Porque volver a unha vida que nos conecte de novo co que fomos é cada vez máis urxente.

Ao pé deste lume imaxinario que foi capaz de crear o artista de Carballedo con este libro, cobran vida de novo as historias contadas á calor da lareira. E, mercé ao paso do tempo, sen remorsos e sen rodeos, con plena liberdade para falar de todo aquilo que aconteceu.

Ao ver estes deseños, acudiron a min tantas historias agochadas no fondal da memoria! Trouxéronme de volta aqueles contos de vellas que tanto custaba crer: a Santa Compaña, os meigallos, a sombra da morte, a beizón das pezoñas...

Tamén gozabamos dos que enrubecían as meixelas: os primeiros amores, aqueles amores que para algunha xente eran pecado ou estaban prohibidos, eses que sempre existiron e existirán por moito que queiran negalos. En resumo, noites de palleiro.

E os que nos facían rir ás gargalladas: o roubo da froita madura, as trasnadas dos maiores e a cativada...

Sen sermos moi conscientes, aquelas historias gardaban ensinanzas para o futuro, proporcionábannos valiosos consellos: “Vai aprendendo que eu non hei durar toda a vida!”.

Escoitade e atesourade, nun recuncho da vosa memoria, estas historias non tan afastadas, pois precisamos delas. O esquecemento nunca fixo ben a ninguén. Do bo sacaremos proveito, o ruín tentaremos non repetilo.

Val da Maía, marzo de 2021

Anacos da Vida con David Rubín

 

Para que fagades ganas de facervos cos "Anacos da Vida", lede o que dí David Rubín do libro.

Grazas, Deivid!!!!

Un cosmos a pé de rúa (o futuro entre leiras)

de David Rubín

Lembro perfectamente o día que coñecín a Víctor Rivas, hai xa vinte anos, nunha coñecida rúa compostelá.

El xa era un profesional con traxectoria nestas lides do debuxo, a ilustración e a BD, eu, un rapaz que apenas comezaba a abrirse camiño neses mundos a forza de erros e teimosía. E malia esas diferenzas, cando chocamos as mans por vez primeira aquela tarde en Compostela, a sensación foi a de atopar, tras moito rebuscar, a peza que faltaba para completar a imaxe dun quebracabeza, a alegría de reencontrarte con unha persoa querida, alguén en que confías plenamente nada máis coñecelo, coma se o destino dispuxese todo o Cosmos dun xeito máxico para que o debuxante cunha traxectoria consolidada e o rapaz que loitaba por ser debuxante se atopasen.

Esa sensación estraña e agarimosa, ese déjà vu que fai que te sintas como unha persoa próxima, coñecida —algo que nunca experimentara—, foi o que sentín ao chocar as mans con Víctor por vez primeira, e renovo esa sensación cada vez que lle boto un ollo a súa obra.

Víctor é unha túrmix creativa; no seu traballo recóllense infinitas tradicións e xeitos de entender e aplicar o grafismo, de contar historias mediante debuxos nos que se mesturan a escola da BD francobelga co manga, o gravado decimonónico e o folletín coa síntese máis moderna e de vangarda, a enerxía do cartoon norteamericano con recursos propios da tradición gráfica e retranqueira galega máis auténtica, Víctor é un crisol gráfico no que cabe de todo, un prestidixitador que sabe usar con mestría unha infinidade de estilos sen perder en ningún momento a súa personalidade, a súa voz.

É indiferente a técnica ou estilo que use para dar vida a un traballo determinado, para contar as historias que quere ou lle toca contar, sempre se albisca, por riba de calquera outra cousa, a Víctor, a súa voz, o seu xeito de ver e entender o mundo.

A serie de ilustracións —que para min son máis BD que ilustracións en si mes- mas, xa que están cheas de ritmo e narrativa— que este libro contén é unha clara mostra de todo o que acabo de dicir:

Nestas estampas rurais, netamente galegas, Víctor sabe mesturar en perfecta harmonía unhas xenerosas doses do seu admirado Yves Chaland, mestre da BD francobelga, co grolo xusto da vertente máis retranqueira e gráfica de Castelao, aderezando a mestura cunhas pingas do Peter Arno máis sintético, intelixente e mordaz do semanario The New Yorker, todo iso remexido con mestría, personalidade e, por riba de todo, honestidade, dando lugar a un cóctel soberbio e equilibrado no que relata escenas dun rural que semellan do pasado, que Víctor nos trae ao presente con sabedoría, chegando mesmo a vaticinar certos futuros posibles sobre a nosa terra e sobre nós mesmos.

Non é unha tarefa sinxela, posiblemente tampouco agradecida, pero, sen dúbida ningunha, é valente e honesta, como o trazo e a mirada de Víctor; é, ó meu parecer, certeira.

Vinte anos xa daquel chocar de mans e risos nunha empedrada rúa compostelá, e Víctor e o seu traballo parécenme aínda máis novos, máis fortes e enérxicos agora que antes, con toda a mestría que outorgan décadas de dedicación exclusiva ao debuxo, de entender e facerse entender a través desta disciplina artística e, sobre todo de vivir, porque para contar como Víctor conta os anacos de vida que compoñen esta obra, precísase sobre todo observar, desfrutar, recordar e experimentar a vida e as vidas que nos rodean, a partir das cales contruímos nós a nosa, como sistemas solares dentro de galaxias, e a visión e o trazo de Víctor Rivas son aquí o buraco negro no seu centro que os fai xirar, mesturarse, vivir.

É todo un cosmos, galego e universal, o que recolle e constrúe Víctor nestas viñetas.

Desfrutemos do paseo a través delas, e non perdamos de vista este libro, talvez dentro de vinte anos siga a mostrarnos camiños que percorrer e maneiras de entender a vida, a terra, e mais a nós mesmos... con humor e sabedoría, do mesmo xeito que o vén facendo comigo dende aquela tarde que nos presentaron na Rúa do Vilar de Compostela ata hoxe.

No exilio madrileño, a seis de abril de 2021, un ano despois da fin do Mundo

Anacos da Vida con Joam J. Romero-Porto

 

Déixovos coas palabras de Joám J. Romero-Porto Durán sobre Anacos da Vida. Unha visión acaida que atravesa os meus debuxos e a miña propia alma. Mil grazas, compañeiro!!

A arte útil

de Joám J. Romero-Porto Durán

A creación artística abriga algo máxico que entendemos sen identificar, e que transcende os límites da nosa ilusión. O seu produto abrolla e permanece na medida en que serve, consciente ou inconscientemente a sociedade. Un día, o noso autor decidiu entregarse ás cousas do espírito e a arte. Temos sorte, souben elixir ben. A súa traxectoria así o demostra. El contribúe a nos sacudir o letargo cotián e interromper a rutina burócrata que esclerotiza o fluír da nosa cultura.

Unha sociedade que menosprecia a súa arte e cultura está a hipotecar o seu futuro. Ética e estética son dimensións da mesma realidade. O artista, como intelectual, está na vangarda do progreso espiritual da sociedade e a súa arte é expresión dos nosos temores, soños, pensamentos e anhelos, aínda que no presente o artista tamén se pensa impelido a trabar unha batalla na procura do equilibrio entre a liberdade creativa e a voraz predación mercantil.

En Anacos da vida Víctor ilústranos sinteticamente sobre aspectos da nosa cultura popular que dificilmente poden ser evocados con tal nivel de aproximación de forma escrita. É a clase de arte que este vello País necesita. Identifica, representa, escenifica, detalla, significa, ilustra e valoriza o que fomos e somos, colaborando para recuperar a nosa autoestima como pobo. Desvela e aviva elementos latentes, mais non revelados, da nosa tradición cultural, reverdecendo a nosa esperanza porque precisamos irrigar raíces para que poidamos resistir e garantir unha nova renacenza.

De feito, estamos ante un autor que non agarda impasíbel ante a realidade que o circunda. Dou testemuño do seu envolvemento desinteresado no seu contorno social e cultural. Un compromiso que o categoriza como un verdaderiro intelectual, porque participa da realidade que protagoniza a súa obra, fuxindo da banal pasividade contemplativa. Debedor da mellor tradición da ilustración galega, que un leigo coma min liga directamente con vultos patrios como Castelao, tece un fío entre a vida de noutrora e o noso presente, axudando a combater os valores que nos separan, individualizan, e nos fan reféns do medo e a derrota nesta verdadeira crise civilizadora, tempo de rendición ante os altares da fatuidade, ante os que se sacrifica calquera propósito de permanencia.

Celebramos nestas páxinas unha contribución ao acervo cultural humano, desta parcela do mundo á que chamamos Galiza. Grazas por un libro meigo que confirma unha vez máis a Víctor como un auténtico Poeta da Ilustración.

 

Viascón, 31 de xaneiro de 2021

Anacos da Vida

 

Libro: Anacos da Vida
Ilustración portada e interiores y autor del texto: Víctor Rivas
Editor: Editorial Galaxia (12/07/2021)
Idioma: Galego
Libro ilustrado de poesía

A obra expresa o seu profundo agarimo e respecto cara á xente do rural,

a súa vida e tradicións, cunha ollada esperanzada e positiva dende a perspectiva do pasado recente.

Os seus debuxos, de liña estética sintética e clara, poñen o acento nas expresións e situacións cotiás, pero sempre fuxindo dos escenarios de “postal típica”. Acompañándoos de pequenos textos a modo de sinxelas cantigas populares, consegue un característico toque  de retranca, con chiscos humorísticos e de fantasía.

 

Rivas, Víctor
(Pontevedra, 1965) Ilustrador, comunicador visual e autor. Tras un comenzo profesional coma deseñador gráfico e autor de BD, na década dos 90 comeza facer traballos de ilustración de libro de texto para varias editoriais galegas. Despóis de dar o chimpo  ao mercado nacional e algún encargo para o extranxeiro xa ilustrando novela infantil no ano 2008 acada representantes para todo o mundo a través dunha axencia de Nova York. Desde este ano e ata a actualidade compaxina traballos de ilustración e BD para editoriais tanto galegas, españolas einternacionais principalmente no ámbito da LIX. Anacos da Vida é o seu primer libro como ilustrador e escritor, tamén un dos primeiros para público adulto. 

Podes mercarlo en la web de Editorial Galaxia en este ligazón https://editorialgalaxia.gal/produto/anacos-da-vida/ 

Tambén en cualquer libraría da túa ciudade

O en mí páxina web  con dedicatoria dibujada e personal en este ligazón https://victorrivas.bigcartel.com/product/libro-dedicado-anacos-da-vida

 

Venta de lámina en victorrivas.bigcartel.com

A Witchcraft Mystery #11 Synchronized Sorcery

 

Libro: A Witchcraft Mystery #11 Synchronized Sorcery
Autor: Juliet Blackwell
Ilustración portada: Víctor Rivas
Editor: Berkley (Jul 06, 2021)
Idioma: English

 As witch and vintage store owner Lily Ivory steps into her new role as leader of the Bay Area's magical community, she's faced with a mysterious death of magical proportions...

Strange things are happening in Lily Ivory's San Francisco. First, she finds a vintage mermaid costume which dates from the 1939 San Francisco's Treasure Island World's Fair – and which gives off distinctly peculiar vibrations. Next, she stumbles upon a dead man in the office of her predecessor, and as the community's new leader, she feels compelled to track down the culprit. Just when Lily thinks things can't get any stranger, a man appears claiming to be her half-brother, spouting ideas about the mystical prophecy involving San Francisco and their family...

When the dead man is linked to the mysterious mermaid costume, and then yet another victim is found on Treasure Island, Lily uncovers ties between the long-ago World’s fair and the current murders, and begins to wonder whether the killer might be hiding in plain sight. But unless Lily can figure everything out in time, there may be yet another body floating in San Francisco Bay. 

Puedes comprarlo aquí: